Интернационалната физиотерапевтска група специјализирана за цистична фиброза организира вебинар на 7 септември 2023 .
Интернационалната физиотерапевтска група специјализирана за цистична фиброза организира вебинар на 7 септември 2023 .
20то Генерално собрание на World physiotherapy 2023
Претседателот на Македонското физиотерапевтско здружение Блаже Арсов во периодот од 30-31 мај 2023 учествуваше преку on line платоформа на 20-то генерално собрание на Светската физиотерапија каде и официјално беше претставено Македонското физиотерапевтско здружение како нов член на world physiotherapy заедно со другите физиотерапевтски здруженија од светот.
Во 2023 година, Светската физиотерапија има 129 организации како свои членки, а 118 делегати со право на глас од организациите членки на Светската физиотерапија учествуваа на изборите на 20-тиот генерален состанок на организацијата на 30-31 мај 2023 година во хотелот Конрад, Дубаи, Обединетите Арапски Емирати и онлајн.
Од 118 делегати со право на глас, во електронското гласање учествуваа 115.
По два круга гласање за претседател беше избран Мајкл Лендри член на Канадската физиотерапевтска асоцијација ,а за потпретседател Suh-Fang Jeng од член на Тајванската физиотерапевтска асоцијација
Македонското физиотерапевтско здружение како полноправен член на world physiotherapy имаше право директно да учествува во гласањето за ново раководство на истоимената организација .
Повеќе информации на следниот линк.
Previous slide
Next slide
Учество на Phisioterapia Croatica 2023
По покана на Хрватското здружение на физиотерапевти, Блаже Арсов претседател на македонското физиотерапевстско здружение, зема активно учество на меѓународниот конгрес на физиотерапевти Physiotherapia Croatica кој се одржа во периодот од 4 до 5 мај. Учество зедоа и над 150 физиотерапевти од регионот (Хрватска, Словенија, Босна и Херцеговина и Македонија).
Меѓу презентираните 30 труда од областа на физиотерапијата беше и оној на колегата Арсов на тема ” Физиотерапевски предизвици во третманот на пациенти со имплантиран ЛВАД ” (коавтори Лепосава Лазаровска и Д-р Тања Анѓушева).
Темата предизвика интерес и желба за воспоставување соработка и заедничко истражување во областа на третманот на пациенти со ЛВАД .
Исто така во рамките на конгресот Светското здружение за физикална терапија WORLD PHYSIOTHERAPY соопшти дека апликацијата за прием на МФЗ е одобрена од сите членки и дека официјално станува член на оваа светска организација .
МФЗ стана член на WORLD PHYSIOTHERAPY
Македонското физиотерапевтско здружение на 03.05.2023 официјално стана член на големото физиотерапевтско семејство WORLD PHYSIOTHERAPY .
Почитувани колеги МФЗ постои 6 години со идеја да ги обедини сите колеги физиотерапевти и заедно да ги оствариме нашите професионални права и да ја подигнеме македонската физиотерапија на светско ниво во интерес на нашите корисници-пациенти .
Во овој контекст е и нашето зачленување во Светската физиотерапија (world physiotherapy) која ја прифати нашата апликација и во моментов сме преставници на физиотерапевтите од Македонија .
МФЗ ќе продоложи со својата работа во организирање на едукативни настани во интерес на нашите членови и создавање на услови за подобрување на статусот на македонските физиотерапевти .
Официјалното известување објавено на веб страницата на world physiotherapy може да се најде на следниот линк : https://world.physio/news/world-physiotherapy-welcomes-two-new-member-organisations
Честитки до сите наши колеги !
Бесплатен вебинар “Респираторна физиотерапија и решенија за намален белодробен капацитет”
Колешката Олгица Димитров Дипл.Физиотерапевт од Жан Митрев клиника на 27.04.2023 одржа бесплатен вебинар на тема Респираторна физиотерапија и решенија за намален белодробен капацитет наменет за сите кои имаат респираторни проблеми но во исто време овој вебинар може да служи и како запознавање со оваа тема за сите физиотерапевти кои сакаат да се занимават со овој тип на физиотерапија .
ERGON Basic Course 2023
Mакедонското физиотерапевтско здружение во соработка со ERGON® Academy организира основен курс за мобилизација на меките ткива со помош на инструменти (IASTM) . Курсот ќе се одржи во Скопје на 16/17 јуни .
“Practical course on taking measurements for lymphedema products”
Македонското физиотерапевтско здружение во соработка со компанијата Medicus Help на 22.02 2023 година во просториите Медикус Хелп во Скопје организираше едукативен настан за третман на лимфедеми
Се одржа курсот Ergon Basic IASTM
Во периодот од 17 до 18 декември 2022 година за прв пат во Македонија се одржа Ергон курсот на кој активно учество земаа 13 физиотерапевти од Македонија .Настанот се одржа во аудиториумот на Жан Митрев клиника во Скопје со подршка од нашите партнери Елмед доо од Скопје и Медикус Хелп
Курс REA TAPE Method
Курс REA TAPE Taping Method
Македонсктото физиотерапевтско здружение во соработка со PHYSIO MOTION ACADEMY, на 22/23 април 2023 во Скопје ,ќе одржи курс kinesiology tape техника по лиценца на REA TAPE Taping Method.
Инструктор на настанот е Ивица Стојковиќ Специјалист физиотерапевт лиценциран инструктор за REA TAPE Taping Method .
Бројот на местата е ограничен на максимум 24 учесници.
Опис на семинарот :
Курс REA TAPE kinesiology трае два дена во кое е вклопено теоретски и практичен дел . Во програмта се предвидени 4 часа теоретска настава и 12 часа практична работа .Секој учесник на курсот ќе добијат две kinesyology траки, ножици, скрипта и сертификат за завршена овука за Rea Tape Taping Method.
Едукацијата се спроведува преку проценка на состојбата на пациентот,анализа и клиничко резонирање за примена на соодветна техника и метод на кинезио траката .
По завршувањето на практичниот дел следува евалуација на опфатената тема и доделување на сертификатот. За да се добие сертификат задолжително е присуство во текот на целиот семинар, т.е. двата дена. Со добиениот сертификат учесниците се потврдува дека учесниците можат самостојно да ја применуваат оваа техника.
Програма на курсот :
- Што е kinesiology тејп
- Историјат и настанување на техниката
- индикации и контриндикации
- начин на сечење на траката
- различни техники на аплицирање
- мерки на претпазливост при аплицирање
- апликација на горни екстремитети
- апликација на долни екстремитети
- апликација на труп
- лимфна дренажа
- 6 D tape техника
- третман на лузни
- корективно лепење и стабилизација на сегмети
Учесниците на курсот е потребно да носат адекватна гардероба(кратки панталони и маица).
Регистрација за учество на следниот линк :
повеќе информации на +38970772122 или на е-маил : president@mfz.mk
FASCIA BODYWORK LEVEL I
FASCIA BODYWORK LEVEL I
Македонското физиотерапевтско здружение ви го претставува следниот курс “FASCIA BODYWORK” LEVEL I кој ќе се одржи на 11-12 февруари 2023 во Скопје во соработка со здружението “Екуилибрис” од Србија .
Станува збор за едукација наменета за здравствени работници, физиотерапевти, физијатри и кинезитерапевти. Фасцијата ја сочинуваат широка лепеза на телесни ткива во која спаѓаат мембраната, лигаменти, тетиви, висцера, менингите, мезентериумот. Поголемиот дел од овие ткива потекнуваат од мезодермот кој уште во текот на ембрионалниот развој започнува специфични движења како спирално извртување односно собирање и развлекување (coiling or rolling movement).
Од него започнуваат наследните микродвижења т.е. мотилитет кои се толку многу важни кај многубројните остеопатски техники во дијагнозата и третманот.
Фасцијата се наоѓа на секое ниво на човечкото тело и го сочинува основниот елемент на човечката физиологија. Служи како прва линија на нашата одбрана и функционира независно од ЦНС (централниот нервен систем) што е уште една причина за да се нарече “Периферен мозок”. Од механичка гледна точка фасциите се организирани во ланци и слоеви со цел да го одбранат телото од рестрикција – ограничување. Кога рестрикциите ќе прејдат одреден праг на толеранција фасцијата одговара така што го модифицира својот вискоеластицитет, менувајќи ги колагенските влакна и трансформирајќи здрави фасцијални ланци во променетите – патолошки ланци.
Фасцијата ја помни секоја траума која доведува до промена на мотилитетот. Низ сензитивноста на рацете, можеме да перцепираме движења на микрониво и на тој начин да детекриаме пореметување на мотилитетот, што ни открива за историјата на болеста на пациентот.
Разните терапевтски техники, кои се прилагодени на секој пациент се во состојба да го вратат нормалниот мотилитет. На тој начин фасцијалните промени може да бидат избегнати со што се овозможува телото да ги врати нормалните физиолошки функции.
Од оваа причина може да се каже дека здравјето на секоја личност во голем дел се рефлектира на фасцијата.
Курост Fascia Bodywork овозможува обилни информации поврзани за фасцијалните ткива од агол на ембриологија, анатомија, хистологија и патологија.
Преку овој курс ќе бидат претставени улогата и механизмите на функционирањето на фасцијалните слоеви, дијагностички тестови и соодветни терапевтски третмани како миофасцијални техники низ практична работа.
За време на курсот потребно е учесниците да носат памучни тренерки, маица и папучи.
Информации за учество :
Регистрација на веб страницата на МФЗ на следниот линк https://mfz.mk/nastani/fascia-bodywork-level-i/
Котизација :
Рана регистрација од 01.11-31.12.2022 год.
20,300 денари (330 евра) за членовите на Македонското физиотерапевтско здружение
21,500 денари (350 евра) за сите други здравствени работници
Доцна регистрација од 01.01.2023 – 01.02.2023 год.
22,300 денари (360 евра) за членовите на Македонското физиотерапевтско здружение
24,000 денари (390 евра) за сите други здравствени работници
Инструктор : Драган Димитријевиќ,Србија . dragandimitrijevic@yahoo.com
VFT, CKTI, Theraband инструктор, Yumeiho терапевт, Shiatsu практичар, OBT инструктор, CST, Fascia Bodywork инструктор, VMT
За време на курсот потребно е учесниците да носат памучни тренерки, маица и папучи.
Ограничен број на учесници !