Курс Кинезиотејпинг 3 / Course Kinesiotaping 3

Mакедонското физиотерапевтско здружение организира за прв пат во македонија KINESIO TAPING® КУРС трето ниво во соработка со KINESIO Univesity USA

Kinesio Taping напредни техники и клиничка проценка – KT 3

Локација : ЖАН МИТРЕВ КЛИНИКА Скопје

Дата : 1-2 Ноември 2019

Време: 9-17 часот

Опис на настанот :

На почетокот на настанот учесниците на курсот ќе го повторат начинот на проценка и принципите на лепење на лентите кои се совладани на претходниот курс (КТ1/2).

Напредните техники на лепење и проценка ќе бидат претставени во вид на предавања каде што ќе бидат прикажани аплиации за хроничен едем, лузни, фасција, рани, нерви, акутна и хронична болка и слично.

Учесниците на курсот преку работилници ќе можат да ги вежбаат различните техники користејќи карта за проценка за клиничко одлучување. На учесниците ќе им бидат прикажани различни случаи од клиничка пракса.

Преку работа во мали групи учесниците ќе можат да ги вежбаат техниките на проценка и различните апликации и начинот на лепење. Во продолжение на курсот ќе се работи и анализа на функционални вежби како да се подобрат со примена на кинезиотејпингот.

Цели на курсот:

Учесниците да научат:

Симптоми на различни видови на повреди;

Напредни корективни техники за епидермис – Web Layering

Напредни корективни техники за дермис – Jellyfish;

Напредни корективни техники за фасција;

Напредни корективни техники за лимфатичка апликација;

Третман на лузни;

Третирање на комплексни повреди со инеграција на скрининг тестови, MDT тестови и корективни техники;

Работа во мали групи, да се направи листа на проблеми, да се одредат приоритети во третманот па да се дефинира најоптимален начин на лепење.

Курсот ќе трае 2 дена од 9.00 – 17.00ч. Локација на одржување Жан Митрев Клиника Скопје.

Котизација за учество за членови на МФЗ  изнесува 370 евра,( 22,800 денари )  со вклучено, работна книга, три кинезио ленти, оригинални кинезиотејпинг ножици,ручек и кафе паузи и сертификат за учество.

После завршениот курс учесниците имаат право да полагаат онлајн тест со што се здобиваат со сертификат за Сертифицирани Кинезитејпинг практичари.

Услови за учество:

ЗАВРШЕН КТ1/2 КУРС

Познавање на анатомија и физиологија на човечкото тело;

Познавање на мускуло – скелетниот систем;

Положен испит од анатомија, физиологија и кинезиологија (за студенти).

Се молат учесниците за време на одржувањето на курсот да носат остри ножици и соодветна гардероба (маичка, тренерки, шорцеви).

Само учесниците кои што цело време ќе бидат присутни на настанот имаат право да добијат сертификат.

Повеќе информации на  следните контакти :

Тел.070/772122

Е-маил. president@mfz.mk